Sipas kryebashkiakut të Leskovcit, shqiptarët në Medvegjë vetëm votojnë, por nuk jetojnë aty

11:33 | 15 Gusht 2018
Arbresh.info

Kryebashkiaku i Leskovcit, qytet në jug të Serbisë, Goran Cvetanoviq, tha se është e pamundur që Medvegja t’i bashkohet Kosovës, raporton FoNet.

Sipas tij bashkimi i kësaj komune me Kosovën është “mision i pamundur”, meqë 90 për qind e banorëve që jetojnë në të i përkasin popullatës serbe, ndërsa shqiptarët janë vetëm numra në listën e votuesve, por nuk jetojnë aty.

Jemi dëshmitarë se me rastin e votimit dhe të cikleve zgjedhore një numër i madh shqiptarësh vjen nga Kosova për të votuar e pastaj një vit të tërë, ose deri në ciklin tjetër të zgjedhjeve, nuk shfaqet, është shprehur Cvetanoviq.

Siç citohet të ketë thënë ai, zënia në gojë e Medvegjës në kontekstin e korrigjimit të kufirit përbën atak në integritetin dhe sovranitetin e Serbisë.

“Nga kjo përrallë nuk do të ketë gjë”, ka thënë Cvetanoviq.

Shpërndaje në rrjete sociale

Lajmet më të lexuara

Të ngjashme

Foto lajm